fbpx
أهم الأخبارتلفزيونسياسةعاجل

أبرز تصريحات الرئيس السيسى خلال افتتاح عدد من المشروعات القومية في الإسكندرية اليوم

أكد الرئيس عبدالفتاح السيسي، أن مخالفات البناء تحد خطير تواجهه الدولة المصرية، مضيفا: “صدقونى البناء غير المخطط خطير جدا مش عاوز أقول بنفس النسبة لموضوع سد النهضة.. واللى واضح لينا موضوع الميه واللى مش واضح لينا هو التعدي على الأراضي الزراعية..بدل ما تبنى في الأرض الزراعية فيه ظهير صحراوي، علشان ثقافة ولادنا يبقوا معانا ستدمر كثير من قدراتنا.. هو فيه حد ماشي بعربيته نقوله ادفع المخالفة بيبقا مبسوط لا بيبقا زعلان”.

وقال الرئيس السيسى خلال افتتاح عدد من المشروعات القومية في الإسكندرية: “الموضوع ده مش مسؤولية الحكومة والرئيس بس دى مسؤوليتنا كلنا ان احنا نحافظ على بلدنا وننظم هذا الملف لأن الملايين بيتأثروا”.





وواصل الرئيس حديثه: “الموضوع شائك واى حد تاني يقول متدخلش في الكلام ده وسيب الاعلام يتكلم فيه ، لا هتكلم في كل مصلحة ولن أبيع الوهم للناس تحت اعتبارات السياسة والحفاظ على الشعبية.. وعملنا كده فى الاقتصاد وهو ده الرصيد اللى عدينا بيه.. اى عمل صالح حتى لو الناس مش راضية عنه انا هعمله”.

وتابع الرئيس: “انتوا هتتألموا منه انتوا مش عاوزين تساعدونى ليه  ومٌصرين على مواقفكم بتحلموا ببلد كويسة ومنظمة ومترتبة وزى الفل ، ولا كل واحد عاوز يعمل اللى هو عاوزه .. بنجيب مبنى يتزال في التليفزيون حد بيتكلم عن شكل أعمق وأكبر ومدى التأثير الخطير على مصر نتيجة هذا التجاوز لكن مش بنهد مبنى وخلاص.. خاطب عقل الناس والناس من حقها تفهم أمنها ومستقبل أولادها”.



instagram

“naad”

twitter

viber

“youtube”

أكد الرئيس عبدالفتاح السيسي، أن محور المحمودية سيعطي حرية حركة بالإسكندرية مضيفا: دائما سنجد من يشككون في المشروعات التي ننفذها، مضيفا: “فيه ناس بتتكلم بشكل سلبي عن الإجراء، كان فيه 30 مسجد وتعديات أخرى ويقولوا بيهدوا مساجد ربنا ، والله لا يرضي ربنا سبحانه وتعالى بس هما ميعرفهوش..ويقولوا بيهدوا جوامع ربنا، شوف المصريين، احنا، استغفر الله العظيم”.

وقال الرئيس السيسى خلال افتتاح عدد من المشروعات القومية في الإسكندرية: “يا رب تبقوا زينا في إن انتوا تعملوا حساب ربنا انتوا بتخربوا الشعوب وتدمروها وتدمروا الأمم وتضيعوها، جايين تتكلموا علينا لما بنبنى ونعمر هو ده المنظر اللى كنا بنتعاير بيه ويقول شوف المصريين وشوف فقرهم وخيبتهم عاملة إزاي”.

وتابع الرئيس: “احنا بنفتتح وسعداء والبحيرة فيها 77 جامع مخالف على حرم الترعة، اللى عاوز يبني حاجة لربنا يسرق أرضه؟، دى سرقة”.

ووجه الرئيس محافظ البحيرة لتدشين محاور على كل ضفة وإنشاء مساجد بديلة بنفس النمط، قائلا: “بشكرك وانا معاك والدولة معاك نعمل 4 محاور على كل ضفة ونعمل المساجد بنفش النمط ومساكن لأهلنا اللى اتعدوا لكن احنا بنحاسب نفسنا التجاوز اللى تم احنا ندفع تمنه مش الناس”.





قال الرئيس عبدالفتاح السيسي، إن هناك حملات تشكيك في كل المشروعات التي تقوم بها الدولة، متابعا: “في كل مشروعاتنا اللى بنعملها هتجدوا تشكيك وتجدوا ناس بتتكلم بشكل سلبي على اللي احنا بنعمله، ولكن الهدف من هذه المشاريع هي المصلحة للكل، والقنوات المسيئة اللى عاوزة دايما تكلمكم كلام لا يرضى ربنا”.

وأشاد الرئيس السيسي خلال افتتاح عدد من المشروعات القومية بالإسكندرية، بجهد وزير التموين خلال السنوات الماضية، قائلا: ” خلال الفترة الماضية لم يحدث اى نقص في اى سعل أساسية رغم تحدي ازمة كورونا كان طبيعى ان احنا نتعرض لازمة زى كده..جهد وزارة التموين والدكتور على خلال الفترة الماضية مفيش أي نقص في السلع الأساسية حصل او اختناق او شكل من تسعير غير دقيق او تلاعب في الأسواق”.

أكد الرئيس عبد الفتاح السيسي، أن الدولة أنفقت 350 مليار جنيه على محافظة القاهرة خلال الفترة الماضية، مضيفا: “صرفنا على محافظة القاهرة ما يقرب من 350 مليار جنيه، ولو صرفتهم في العاصمة الجديدة هتغطي جزءا كبيرا جدا من المرافق بحجم نصف الأراضى.. وحجم المصروفات في الإسكندرية خلال 40 سنة والله لا يساوي إن احنا كنا نعمل مدينة جديدة في سيدي كرير بعمق 10 كيلو كنا عملنا مدينة جديدة وحديثة”.

وحذر الرئيس خلال افتتاح عدد من المشروعات التنموية بمدينة الإسكندرية، من غياب الدولة مرة أخرى قائلا: “غابت الدولة بس مينفعش الدولة تغيب تانى، وان غابت تاني وبالمناسبة انتوا كده بتأجلوا التطوير 100 سنة، ولو غابت مصر تاني احنا بنأجل 100 سنة ومقدرش أقبل كده.. الناس هتبقى مضايقة وزعلانة ميجراش حاجة.. ولو مش عاوزينى ابقا موجود هنا أنا معنديش مشكلة.. بس انا لا يمكن ابقا موجود في مكان الا والإصلاح قدام عنيا وامسك فيه واخلصه بما يرضى الله سبحانه وتعالى والله غالب على أمره”.





أكد الرئيس عبدالفتاح السيسي، أن مصر هي الدولة الوحيدة التي يتحدث وزرائها عن الافتتاحات على الهواء بهدف مشاركة الجهد المبذول والتكلفة والتحديات التي واجهت تلك المشاريع، مضيفا: “مفيش حد في العالم كله بيقعد يفتتح مشروعات ويتكلم ويسمح للوزراء انهم يتكلموا على الهوا إلا إحنا في مصر تقريبا مفيش حد في العالم بيعمل كده إلا إحنا، والهدف مشاركة الجهد المبذول والتكلفة والتحديات”.

وأشار الرئيس خلال افتتاح عدد من المشروعات القومية بالإسكندرية، إلى تكلفة صيانة معدات المشروعات، قائلا: “تشغيل المعدات وصيانتها 10 % من الأرقام المسجلة، ولو محصلش ده ستراجع حجم الإنتاج وده صيانة للى اتعمل.. بشرح وبتكلم كتير علشان تبقوا عارفين حكايتنا.. الصيانة 17 مليار والتشغيل بكام في السنة؟، تشغيله بفلوس وصيانته بفلوس وإلا يتراجع الإنتاج.

وأضاف الرئيس: “منبقاش عاوزين نعمل ده كله وتحملونا بأعباء وتعمل نمو غير مخطط للمشروع وترجع تقول إن المشروع مش قادر يشتغل، طبعا اللى بيتعمل فيها مش مترتب ومخطط.. لما نيجي نعمل تخطيط ويتنفذ طالما داخل الإطار يبقى مفيش مشكلة.. وهيصحل فقد للقدرة والأداء وبعدين نقول الدولة مٌقصرة معانا، قبل ما تطلب مني خدمة إنت كمان ساعدني في تنفيذ اللى إحنا بنقول عليه.. يبقى الموضوع طرفين الدولة والمواطن في تشارك المسؤولية.. مش هننجح إن إحنا نوصل ده طالما فيه تجاوز… من فضلكم شوفتوا مصر في العشرينات وإسكندرية العشرينات وهتجدوا إن الفاصل كبير بس مش إيجابي.. يا ترى إيه اللى خلانا كده وإيه اللى حصل في الخمسين ستين سنة اللى فاتوا اللى خلى فيه تراجع كده”.





دعا الرئيس عبدالفتاح السيسي، أهالى الطلبة الذين التحقوا بالكليات الأهلية الجديدة إلى الاطمئنان، متابعا: “جبنا كل العلوم الجديدة علشان يبقوا جاهزين لسوق العمل.. بندرس حاجات كتير ملهاش سوق فى مصر، طيب ناخد الجديد ومتقلقوش منهم وستجدوا هذا الكلام مفيد جدا”.

وأضاف الرئيس خلال افتتاح عدد من المشروعات التنموية بمدينة الإسكندرية: “حجم الطلبة المصريين اللى بيخرجوا بره مصر علشان يدرسوا.. فيه حجم معتبر من الأسر بتوفد أبنائها للخارج فيه جامعات معتبرة ومتقدمة جدا ونسجلها تقدير الجهد والدور والشهادة اللى تعطيها لأبنائها، وفيه جامعات تانى لأ، من غير ما اذكر جامعات.. تكلفتها 35 ألف دولار سنويا وفيه حاجات أقل.. وفى الآخر بيخرج ومش ده المستهدف، الفكرة فكرة تعليمية إنه بدل ما يسافر ياخدها هنا”.

ووجه الرئيس السيسي المسؤولين إلى ضرورة ربط التعليم بسوق العمل، مختتما: دوروا على ربط التعليم بسوق العمل وجامعتنا بتخرج مئات الآلاف ويمكن مش كلهم مربوطين بسوق العمل”.

وبدروه، أكد الدكتور خالد عبدالغفار وزير التعليم العالى، أن عدد الطلبة المصريين الذين يدرسون بالخارج وصل إلى 20 ألف طالب، ينفقون 20 مليار جنيه سنويا بخلاف العملة الصعبة وهجرة العقول.





حذر الرئيس السيسي بشدة من مواصلة التعديات على الأراضى الزراعية، ومخالفات البناء، قائلا: “عندنا علم وتكنولوجيا يخلينا نشوف شكل الدولة المصرية من 10 سنين بالمللى.. لدينا منظومة قادرة على متابعة التطورات الخاصة بمخالفات البناء والتعديات على مستوى الجمهورية”.

ووجه الرئيس السيسي خلال افتتاح عدد من المشروعات القومية بالإسكندرية، حديثه للمصريين: “ناوين تعملوا إيه في بلدكم؟ مش عارف أعمل إيه؟، إيه اللى احنا فيه ده؟ ..دي ارضنا واللى بناكل منها انت بتعمل كده ليه عاوز إسكان بنعمل إسكان ومستعدين نعمل اكثر من كده”.

وذكر الرئيس: “الدولة بمؤسساتها يا محمد يا زكي مسؤولة عن الحفاظ على الدولة المصرية.. لن اسمح أبدا ان احنا نهد بلدنا ونضيعها كده ، وحد يتصور، لا والله، لو الأمر استدعى هنزل هخلى الجيش المصري ..اذا كنا احنا مقتنعين بمنتهى الجدية الموضوع ده لن اسمح بيه مع كل المحافظات والتعديات واجيب معدات هندسية واجيب واشيل كل الكلام ده فى كل القرى وابيد بكل المعدات الهندسية، بتكلم بمنتهى الجدية والحزم مع كل التعديات”..وتابع: “لا يمكن ان نسمح ابدا، لو الناس مش عاجبها الكلام ده يبقا احنا نسيب المكان ده ونمشي”.



instagram

“naad”

twitter

viber

“youtube”

أكد الرئيس عبد الفتاح السيسي، أن الدولة المصرية قادرة على رصد التطورات على الأرض يوم بعد يوم و10 سنوات سابقة، وقال الرئيس: “خلال العشر سنوات الماضية أقدر أبص علي أي تجمع وقرية وأقول باليوم هيطلع حصل هنا كذا، بقول كده لان احنا جادين في حلمنا لبلدنا ..لدينا منظومة تستطيع ان تتابع العمل على مدى 10 سنوات ماضية، منذ 2011 وحتى الآن، لأن مش هينفع إن دولة تتحول للكلام اللى احنا بنعمله ده”.

وأضاف الرئيس خلال افتتاح عدد من المشروعات التنموية في الإسكندرية: “عرضت عليكم علشان تعرفوا انا بتالم وبتعذب كل يوم ازاى، وبشوف كل يوم بلدي بتتقطع حتت، وان أهلها بيدمروا، احنا اعدى اعاديها مش اللى بيعملوا معانا الإرهاب بس، لا والله ده عدو،  طيب انت عاوز تبني خليني انظملك وابنيلك انا اخطط الأرض واقولك ابنى هنا، حتى لو كانت على ارض زراعية انما كده لا”.

ووجه الرئيس السيسي حديثه للمحافظين ومديري الأمن: “بقول للمحافظين ومديري الأمن اللى لا يستيطع تحقيق الانضباط بصراحة قولى ده موضوع مش قده سلام عليكم ، اللى مش هيقدر يقوم معانا في اللى تحتاجوا الدولة يقول بصراحة يقول ده موضوع اكبر مني ومش هتدخل فيه وانا هحترم رغبته، والمحافظ ومدير الامن الذى لا يستطيع ان يقف ضد ذلك يقول ده “.





وقال الرئيس السيسي للمخالفينن: “بتعملوا كده ليه؟ احنا مش فاهمين القضية؟ وحجم الطلب على المباني بالطريقة دية انتوا مش هاممكم ابدا بلدكم ولا مستقبل اولادكم علشان تعملوا فيها كده..متخربوش بلدكم والله العظيم ده خراب يا جماعة لدولة الامر لله ثم لينا كلنا ولا يمكن ابدا هسمح بده..ودي رابع مرة اقولها واتكلمت قبل كده من 3 سنين ..هنفضل كده لغاية امتي؟، تقنين الأوضاع منحت صلاحيات كبيرة للمحافظين علشان نخلص الأمور دي بالكامل..فيه دول فيها حاجات كتير من دي لكن فيه دولة عندها حلم انها تبقا دولة كانت في العشرينات من الدول اللى كانت متنظمة اكتر من كده، أنا أقبل البناء لكن يجب أن يكون هناك تخطيط حتى لو على أرض زراعية”.











instagram

“naad”

twitter

viber

“youtube”

زر الذهاب إلى الأعلى